Barazkiak loratzen direnean

Berriz zuen aurrean, gure baratzan gertatzen dena erakusteko.

Lehenengo lau argazkietan gure baratzan dauden loreetan izango diren tipula gorri, eskarola, uhaza eta porruak aurkezten dizuegu. Loreak eta gero haziak lortuko ditugu, gure haziak. Hori bai dela altxorra. Hortik aterako diren barazkiak indartsuagoak izango dira besteak baino.

Beraiek izango duten garapena gure web horrian agertuko dira aurrerago.

Bostgarren argazkian kalabazinen irudia dugu.

Fruitu txikiak agertzen ari dira. Beraien garapena oso arin izango da. Lehenengoak ez ditugu batuko, haziak lortzeko. Baina beste guztiok gazteak direnean batzen baditugu askoz gozoagoak izango dira.

Lekak artoarekin ez baduzue ereindu zurkaitzak jarri behar dituzue (6. argazkia). Bambu zurkaitzak egokienak dira eta salgai daude gure baserrian.

Kalabazak arin doaz. Bideratu behar ditugu "bankal" bakoitzatik ez irtetzeko momentuz (7. argazkia).

Piperrak ere birlandatu ditugu aste honetan. Ez da berandu. Beroa behar dutelako, sasoian gaude. Gure landarek, zurtoin indartsua dute birlandaketan ondo moldatzeko (8. argazkia).

Eta gure patatak zer?. Loretan daude eta kakalardorik ez!.

Ah! eta uztailan bigarren landaketa egingo dugu urrian uzta ederra izateko!.

Amaitzeko, gure baratzaren ikuspegi orokorra.

Laster arte.